CONCERTO ANIVERSARIO "ASOCIACIÓN POLA DEFENSA DA RÍA", ASEMBLEA ABERTA E CONCERTO INFECCIÓN+THE BROSAS+THE FÉ KAOS

Comezamos coas actividades outra vez, neste caso anunciamos un concerto polo aniversario da "Asociación pola defensa da ría", que cumple 25 anos de loita na defensa do medio ambiente.
Tamén se quere recordar que 10 anos atrás o petroleiro "Prestige" encheu a costa de chapapote, coas consecuencias que xa sabemos.
O concerto será o venres 28 de Setembro a partires das 22:00 e actuarán as bandas "Solfabirras" e "Helter Skelter", agardamos a vosa presencia!!
Por outra banda anunciamos unha nova asemblea aberta para que toda a xente que queira propoñer, participar ou saber como funcionamos. Será o Venres día 28 de Setembro ás 20:30.
Tamén aproveitamos para facer publicidade do concerto que terá lugar o Venres día 5 de Outubro a partires das 21:30 no CSO Liceo. Desta volta actuarán os grupos "The brosas"(rock & roll dende Burela), "The Fé Kaos" (punk dende Ribeira) e "Infección", grupo punk asturiano que para polo CSO Liceo no medio da súa xira galaica. Coma sempre agardamos a vosa presencia.

ASEMBLEA ABERTA

Tras un merecido parón en Agosto volvemos a poñernos en marcha.
Temos case preparadas novas actividades permanentes, así como en breves voltarán a poñerse en marcha algunhas das que se pararón neste verán.
Tamén temos organizados novos concertos e eventos, dos que iremos dando conta neste blogue en canto nos sexa posibel.
Polo de agora informamos de que este venres día 7 ás 20:30 haberá de novo unha asemblea aberta, para que todo o mundo que queira propoñer algo ou conocernos o faga. Estas asembleas voltarán a ser quincenales, coma anteriormente.
Atentos ao blogue porque seguiremos informando.